Hindi ko masasabing sobrang saya ng aking 28th birthday kahit na nagkamali ng number ang aking Alagang Kapatid family eh ayos lang. Pa'no kasi 27 ang nakalagay sa cake hehe. At kahit na din alam ko na magbibigay sila ng surprise eh okay na din. Maraming salamat :) Sa mga greetings lang sa FB eh masaya na ko, hindi naman ako mahirap pasayahin. Kung may nagbigay nga sa'kin ng Snickers? siguro maiiyak ako hehe.
Nakakatuwa lang isipin na ang daming dumagdag sa buhay ko ngayon maliban sa edad. Ang daming bagong mukha, meron pa nga hindi ko naman sobrang close eh binigyan pa ko ng pasta. Tingnan mo nga naman oh, yung mga ka-close ko nga wala "Happy Birthday lang" ano ba naman yan? hahahaha.
Sinalubong ko ang birthday ko - na naman- sa gitna ng trabaho. Nakakalungkot na kahit papano eh masaya din naman. At least productive ako ng kaarawan ko, hindi pa ko gumastos :) Hinatid pa ko ng mga kaibigan ko papasok at biruin mo pati pauwi. Sana lagi ko nalang birthday para libre ako palagi sa pamasahe.
Wish? Hindi ko nga alam kung ano ba ang wish ko? Nung nag-blow ako ng candle sa AK cake kung ano lang yung pumasok sa isip ko, yun na yung winish ko. Actually hindi nga wish kasi nag-thank you lang ako para sa lahat ng taong sumurpresa sa'kin nung gabing yun sabi ko sana i-bless sila dahil naalala nila ko. Wish ba yun? Parang hindi siya para sa'kin? hahaha. Ang labo parin?!
Sabi nga nila "When it rains, you're gonna get wet" char! 'it pours' :) dami lang blessings ngayon and i'm super-duper thankful. Hindi ko makuhang magreklamo kahit na sa gitna ng umaga eh may nangungulit sa'kin para sa isang raket eh ayos lang. Napaka-enggrata ko naman kung sakali man. Kaya habang marami, GO lang! :))) Hindi ko tatanggihan kung kaya ko naman. Alam ko kung papaano mawalan, kaya sobrang na-aapreciate ko pag-meron at maraming meron kaya pasok lang, bukas ang aking pinto para sa marami pang blessings at alam ko marami pa, kine-claim ko na :)))
Alam ni Lord kung gaano ko na-appreciate ang 10,227th day ko. Kahit wala masyadong ganap, ayos lang. The mere fact na tumuntong na naman ng isang hakbang ang orasan ko at humihinga pa ko eh marami ng dahilan para ipagpasalamat.
Ang hirap i-sum up ng mga nangyari sa buong 27 years ng buhay ko. Ang mga natutunan ko sa mga paulit-ulit na pagkakamali, ang mga nakasama ko, ang mga naka-away ko, ang mga naging ka-trabaho ko, ang mga napuntahan ko, ang mga bago kong nakilala, ang mga bago kong ginagawa at ang mga bago kong ginugustong gawin at madami pang naiisip sa buhay. Pero sa lahat ng mga naging bago, ito parin naman ako. Marami pa rin ang nag-stay sa aspeto ng pagiging AKO.
Kahit na maraming lumang tao ang wala ngayon sa tabi ko, which makes me really sad. Binabalanse lang daw ng panahon ang buhay ko. Oo, ganun kabilis magbago ang panahon, parang kahapon lang nung nakaraang birthday ko at ngayon biruin mo 28 na ko? Ilang taon nalang at mawawala na ko sa kalendaryo. Pero kung iisipin ko madami man ang mga nasayang kong panahon tulad ng pag-aaral ng matino at relasyon? Ayokong magsisi dahil wala namang point na para pagsisihan pa. Hindi siguro AKO ngayon kung nagawa ko lahat ng mga dapat noon.
Everything happens for a reason. Lahat naman tayo eh naniniwala jan.
Kung bakit single pa rin ako? tanong ko rin yan? Wala pa rin nagtatangkang dumamay sa mga kabaliwan ko sa buhay. Marami pa daw kasi ako kailangan i-fix sa sarili ko at siguro marami pa ding inaayos sa buhay ang lalaking makakasama ko para tulungan din akong ayusin ang mga dapat ayusin sa sarili ko at siya na din siguro para magkatulungan kami.. hahaha ang labo parin?! Ewan ko, hindi ko naman priority yan, kahit na ayaw maniwala ng mga nakapaligid sa'kin. Bilang mag-isa lang daw ako eh kailangan ko ng kasama sa buhay. Hindi ata ganun yun. Hindi lang ata dapat dahil lang dun. Tanong ko din sa sarili ko kung kelan ko ba masasabi ang mga katagang "You complete me!"? Ewan ko din. O di naman kaya eh kelan ko ba maririnig ang "The world as I see it line na kinakanta sa'kin o kaya tulain nalang sa'kin kung hindi man siya marunong kumanta?" hahaha. Ewan ko din. Malay mo sa 11,000th day ko eh bigla nalang sumulpot yan. Mas excited pa ata ang mga kaibigan ko kesa sa'kin. Kulang nalang eh tuksuhin ako sa may asawa magkaron lang ako ng malisya hahaha. Ang labo parin?!
Bahay? sana makamit ko na ngayong bagong taon ko. Ito ata ang mas kailangan ko :) Yung masasabi ko talagang AKIN.
At ang magandang buhay, alam ko malapit-lapit na din ako diyan. Nasa limbo lang daw ako ngayon ng "magandang buhay", hindi ko lang siguro ma-appreciate o matawag talaga na maganda dahil sa sobrang dami ko pang gustong gawin, pero sa simpleng pananaw, maganda-ganda naman ang buhay ko, ayokong magcompare, pero base lang sa mga tinatamasa ko ngayon, hindi lang sa kasaktuhan sa pera na minsan ay sobra pa pero sa kasaktuhan na din sa kasiyahan sa buhay. Simple lang naman talaga ang mga pangarap ko kaya madali akong mapangiti ng buhay :)
Thank you Lord sa panibagong bilang, patunay lang na binibigyan mo naman ako ng panibagong project para gawin ang aking ika-dalawamputwalong pelikula. Hindi ko mapapangakong magiging blockbuster hit pero isa lang ang sigurado...
hindi ito magiging flop! And I will continue to shine!!! Yeyz!!!
Walang komento:
Mag-post ng isang Komento