JUNE

I'm blogging using my phone. I got this app last month and I haven't used it until now. So, It's been quite a while Kahon :)

Na-miss ko lang atang dumaldal. Yung tipong kausap sarili. Yung walang pakealam sa grammar, yung may masabi lang pag walang magawa ; tulad ngayon.

Yung tipong kahit walang mag-like o magcomment. Yung tipong kausap sarili ulit, kahit paulit-ulit.

Mag-si-6 months na kong walang FB, di ko na alam kung may bago bang pakulo si Zuckerberg. Timeline parin ba? O baka vumi-virtual chat na? Haha. Sabi ko nga ayoko na din sana mag-twitter kasi ayoko masyadong nakakakita ng madaldal, at maraming opinion. Sometimes people post everything that crosses their minds : gawain ko din yun, pero hindi naman lahat - pero yung iba kasi makapagpatama lang sa hangin madalas. Yung iba di mo alam kung sino kausap o sino kaaway : gawain ko din yun dati - pero ngayon nagbago na ko. Naks! Positive na ko ngayon. Mahirap yun ah! Lol.

Madalas kasi kausap ko sarili ko - paulit-ulit naman! - sabi ko sa sarili ko "Wag naman masyado mainitin ulo mo, minsan sobrang "nega" mo na! Lahat nalang ng tao pinagiisipan mo ng may hindi magandang intensyon. Wag ka masyadong cynical!"

Eh kaya lang cynical talaga ko madalas! Tsk.

Tapos parang isang araw lang paggising ko, ayoko nang maging salbahe. Kasi matanda na ko. Complicated na nga daw ang mga grown ups, lalo ko pang gagawing mas complicated. Tsk mahirap yun : Difficult, parang ako haha.

Kanina tumunganga lang ako sa park, it's just nice to be in a place where no one knows you. Feeling invisible ka. Nakakatuwa yung mga old people kasi they'd say things really loud, kasi nga di ba mahina na pandinig nila. Pero nakakatuwa lang, hindi ko ma-explain. Sa'kin nalang yun.

Fascinated ako sa mga matatanda. They make me happy and sad at the same time but mostly happy. Feeling ko gold sila, kasi ang galing nila ang tagal nilang buhay :) Seryoso ako! Ako kasi feeling ko hindi ako aabot ng 50. Pero malamang pagnagka-family ako lahat ng ito magbabago. Malamang! Kaya nga nag-iimpok na ko ngayon, para kung sakaling hanggang 50 lang ako eh, maiwan namang hindi hikahos ang magiging mga anak ko hahahaha.

Kung saan-saan na naman ako napunta! Tsk.

Usually malungkot ako ng mga ganitong araw pero ngayon sabi ko dapat masaya ko. Celebrate life dapat palagi. Buti nga successful ako sa happy thoughts mantra ko :) Ayoko kasi ng mga "Alone" drama. Masyado na kong matanda para sa mga ganyang bagay. Dumadaan tayo minsan sa ganyang mga times pero hindi dapat mag-dwell sa 'hurts' ng past.

Now, June is a month of celebration. Kailangan kong i-celebrate ang strength na ito. 9 years na kong responsable sa sarili kong buhay and I'm proud kung ano man ang disposition ko sa buhay ngayon. I'm not the type who would embrace huge success to hide sorrow. Wala akong kailangang i-prove sa ibang tao. :) Yun lang, Bow!

I've been blessed with a lot of great people around me. Friends, workmates, my church that constantly reminds me and my God who never ceases to love me.

I've been saved many times. And I'm grateful. Kaya everyday I try to think of anything - almost everything - to thank God for, ultimo coins na natira sa bulsa ko :)

Anyway, happy lang ako, the power of the mind really helped, kailangan lang talaga i-condition ang mind parati. Sabi ko I'll make this year right. I intend to make it really right. I'm halfway, so far mukhang masaya naman ako at ang mga tao sa paligid ko.

I'm grateful to life because I'm making this journey :) One time ride lang 'to, naku, better keep moving. Grabe, Mom, you raised me well. Woooooot!😜 Lol Sana andito ka para ako naman magpalaki sa'yo ahaha ☺


Here's one beautiful thought to ponder;
"Our life is a constant journey from birth to death. The landscape changes, the people change, our needs change, but the train keeps moving. LIFE IS THE TRAIN NOT THE STATION." #Aleph, Paolo Coelho


Here's one ugly serious - Me - kid. lol 😁

Celebrate life. Have a great June random netizen! ✋Highfive 😊

GG WARNING

Habang nagpapahinga slash tumatambay dito sa Batangas, maraming kwento na ang naibahagi at narinig. Kalokohan, tawanan, kaba habang naglalaro ng Temple run, hanggang sa pagtatanong kung papaano gagamitin ang Resurrection Wings haha, hanggang sa mga kwentong lasing at kwentong dagat dahil tunog ng alon ang nagsisilbing music namin habang nakatunganga sa napakalaking kulay blue na natatanaw namin sa aming harapan, at mga nag-sasayawang cruise ship na naka-dock malapit lang dito.

Napag-usapan ang pagbabawal na ng fishing o pangingisda sa Pilipinas. Bilang hindi naman ako nanood ng balita at hindi na rin nakakapagbasa ng dyaryo, eh wala na ko masyadong nalalaman sa mga nangyayari sa mundo. At yun na nga, bawal na daw ang pangingisda, nagsimula na rin tayong umangkat ng mga galunggong sa Tsina. Galunggong na daig pa ang adik sa kapulahan ng mata at hostes sa kabilasaan. Frozen daw dumadating dito, kaya muka silang sabre-toothed squirrel na naghahabol ng acorn sa ice age movie na na-trap sa yelo. Parang 1 million years ata dun kaya pagnalusaw na, mukha na silang nahuli ng demon monkeys sa temple run sa kalasugan. Hindi ko alam kung may mga iba pang isda na inaangkat bukod sa GG dahil sa tinatamad akong maghanap ng impormasyon sa internet. Pero nakakalungkot lang isipin na umaangkat na tayo ng isda na kayang-kaya naman dapat ibigay sana ng karagatan natin. Pero mas gugustuhin ko na ata yun, kesa sa pagdating ng panahon eh wala na talagang isdang makita sa tubig ng Pilipinas.

Kaya din naman ipinagbawal ay dahil sa kinakailangan daw ipahinga ang karagatan natin, kailangan ulit bigyan ng pagkakataon ang mga coral reef na makahinga sa mga walang-awang nagpapasabog ng dinamita habang nangingisda at walang pakundangang pagpatay ultimo ng pating at balyena na ginagawang soup at ulam. OO alam ko lamang tiyan din, pero PARANG-AWA naman, wala na talagang pinapalampas basta pwedeng kainin. Pero dahil din dyan, kaunti nalang ang natitira, at di maglalaon, WALA na talaga. TSK.

Mabuti na rin na ipagbawal na muna talaga, pero siguro dapat lang muna ring bigyan ng gobyerno ng panibagong mapagkakakitaan ang mga kaunting matinong mangingisdang mawawalan ng pangkabuhayan habang isinasagawa ang bill na ito. Pero para sa mga mangingisdang daig pa si Bin Laden sa pagpapasabog ng dagat? pwes, sa Galunggungan na lang sila pupulutin malamang. Kanya-kanyang karma lang daw yan.

Kanina din ay nagkaron ng 6.9 magnitude quake sa probinsya ng Cebu, Negros at ibang parte ng Visayas Region. TSK.TSK. Pinagkukwentuhan lang namin nung isang araw ang pagpunta sa Oslob Cebu dahil sa pagbisita ng mga whale sharks doon. Kahapon, bumisita dun si Mang Mario yung isang instructor naming kaibigan para tingnan yung sitwasyon, at binalita ngang wala silang naabutang whale shark ni-isa. Sa 14 na nabalitang napadpad doon nitong nakaraang dalawang buwan, wala silang nakita ni-isa man lang? Malamang bago pa magka-tsunami alert, alam na ng mga whale sharks na may magaganap kaya umalis na muna sila. TSK. TSK. Wala akong balita sa mga nasalanta ng tsunami pero masakit mang isipin, tao rin ang gumagawa ng mga sakunang ito, hindi kasi marunong mag-alaga at magpasalamat ang iba sa mga biyayang binibigay ng mundo, ang mas masaklap, sobrang abusado pa. Hindi lang sa aspetong pangingisda kundi marami pa. TSK.TSK. Pero ang tanong lang sa isip ko ngayon, babalik pa kaya ang mga whale sharks sa mga darating na buwan pa? :( gusto ko pa naman sila makita :(

Hindi kaya naisipan lang mag-welga  ng mga galunggong kanina? TSK.

Kanina lang din, nag-Night Snorkeling kami dito sa tapat ng resort. Mga tatlong kicks palang from the shore sa  mga 8 feet deep, may nakita na kaming dalawang Cuttlefish na naka-hover lang. Mga baby trumpet fish at medium-sized Puffer fish na parang naghahanap ng matutulugan. Mga 30 minutes lang pero solve na kami. Sa mata ng isang diver nakakataba ng puso ang mga maliliit na bagay na ganito, mas mukang alien o kakaiba ang itsura ng isda mas nakakatuwa dahil malamang bihira makita o dahil kaunti nalang sila. Haaay. Magiging diver pa ang magiging mga anak ko. Ang prayer ko lang, sana di na umabot sa panahon na ultimo galunggong eh maging alien at ma-extinct na. TSK.TSK. Huwag naman sana.

Pero di nga? siguro yung mga galunggong nga ang nagwelga kanina. TSK